ജോണ്‍ കാംപെല്ലിന്റെ വിക്കറ്റ് നഷ്ടമായെങ്കിലും രണ്ടാം ടെസ്റ്റില്‍ വിന്‍ഡീസ് മികച്ച നിലയില്‍

ധാക്കയിലെ രണ്ടാം ടെസ്റ്റില്‍ ആദ്യം ബാറ്റ് ചെയ്യുന്ന വെസ്റ്റിന്‍ഡീസ് ഒന്നാം സെഷന്‍ അവസാനിക്കുമ്പോള്‍ 84/1 എന്ന നിലയില്‍. ഓപ്പണര്‍മാരായ ക്രെയിഗ് ബ്രാത്‍വൈറ്റും ജോണ്‍ കാംപെല്ലും ടീമിന് മികച്ച തുടക്കമാണ് നല്‍കിയത്. ഒന്നാം വിക്കറ്റില്‍ 66 റണ്‍സ് നേടിയ കൂട്ടുകെട്ട് തകര്‍ത്തത് തൈജുല്‍ ഇസ്ലാം ആയിരുന്നു.

36 റണ്‍സ് നേടിയ ജോണ്‍ കാംപെല്ലിനെ വിക്കറ്റിന് മുന്നില്‍ കുടുക്കിയാണ് തൈജുല്‍ തന്റെ വിക്കറ്റ് നേടിയത്. ആദ്യ ദിവസം ലഞ്ചിന് പിരിയുമ്പോള്‍ വിന്‍ഡീസിന് വേണ്ടി ക്യാപ്റ്റന്‍ ക്രെയിഗ് ബ്രാത്‍വൈറ്റ് 39 റണ്‍സും ഷെയിന്‍ മോസ്ലി 6 റണ്‍സും നേടിയാണ് ക്രീസിലുള്ളത്.