സിഡ്നിയിലെ മൂന്നാം ടെസ്റ്റില്‍ നിന്ന് ജോ ബേണ്‍സിനെ ഓസ്ട്രേലിയ ഒഴിവാക്കി, വാര്‍ണറും വില്‍ പുകോവസ്കിയും ടീമില്‍

Joeburns
- Advertisement -

ഇന്ത്യയ്ക്കെതിരെയുള്ള മൂന്നാം ടെസ്റ്റില്‍ നിന്ന് ഓസ്ട്രേലിയ ജോ ബേണ്‍സിനെ ഒഴിവാക്കി. സിഡ്നിയില്‍ നടക്കുന്ന മൂന്നാം ടെസ്റ്റില്‍ ആദ്യ രണ്ട് മത്സരങ്ങളില്‍ ടീമിലില്ലാതിരുന്ന ഡേവിഡ് വാര്‍ണറെയും വില്‍ പുകോവസ്കിയെയും ഉള്‍പ്പെടുത്തിയിട്ടുണ്ട്. കഴിഞ്ഞ രണ്ട് ടെസ്റ്റില്‍ നിന്ന് 51 റണ്‍സെന്ന ഉയര്‍ന്ന സ്കോര്‍ മാത്രമാണ് ബേണ്‍സിന് നേടാനായത്. മൂന്ന് ഇന്നിംഗ്സുകളില്‍ താരത്തിന് രണ്ടക്ക സ്കോര്‍ നേടുവാനും സാധിച്ചില്ല.

വാര്‍ണര്‍ മൂന്നാം ടെസ്റ്റില്‍ ഓപ്പണിംഗ് സ്ഥാനത്തേക്ക് മടങ്ങിയെത്തുമെന്ന് ഇതോടെ ഉറപ്പായി. അഡിലെയ്ഡില്‍ അരങ്ങേറ്റം കുറിയ്ക്കുമെന്ന് കരുതിയിരുന്ന താരമായിരുന്നു വില്‍ പുകോവസ്കി. എന്നാല്‍ താരത്തിന് വീണ്ടും കണ്‍കഷന്‍ ഉണ്ടായതിനാല്‍ ആദ്യ രണ്ട് ടെസ്റ്റുകളില്‍ നിന്ന് താരം പുറത്തിരുന്നു.

ഓസ്ട്രേലിയ ടെസ്റ്റ് സ്ക്വാഡ്: Tim Paine (c), Sean Abbott, Pat Cummins, Cameron Green, Marcus Harris, Josh Hazlewood, Travis Head, Moises Henriques, Marnus Labuschagne, Nathan Lyon, Michael Neser, James Pattinson, Will Pucovski, Steve Smith, Mitchell Starc, Mitchell Swepson, Matthew Wade, David Warner

Advertisement