വനിത ടി20 ചലഞ്ച്, വെലോസിറ്റിയെ മിത്താലി രാജ് നയിക്കും, ട്രെയില്‍ബ്ലേസേഴ്സിന്റെ കോച്ചായി ബിജു ജോര്‍ജ്ജ്

- Advertisement -

ബിസിസിസിഐയുടെ ഏറ്റവും പുതിയ വനിത ടി20 ടീമായ വെലോസിറ്റിയെ ഇന്ത്യയുടെ ഏകദിന നായിക മിത്താലി രാജ് നയിക്കും. ടൂര്‍ണ്ണമെന്റില്‍ മൂന്ന് ടീമുകളാണ് കളിയ്ക്കുന്നത്. കഴിഞ്ഞ തവണ കളിച്ച സൂപ്പര്‍നോവാസിനെ ട്രെയില്‍ബ്ലേസേഴ്സും കളിച്ചപ്പോള്‍ ഇത്തവണ വെലോസിറ്റിയും കൂടി ടീമായി എത്തുന്നു. ഡബ്ല്യുവി രാമന്‍ സൂപ്പര്‍നോവാസിന്റെ കോച്ചാകുമ്പോള്‍ ട്രെയില്‍ബ്ലേസേഴ്സിന്റെ കോച്ചായി എത്തുന്നത് മലയാളി താരം ബിജു ജോര്‍ജ്ജാണ്.

ചാമരി അട്ടപ്പട്ടുവും(ശ്രീലങ്ക) ഇംഗ്ലണ്ടിന്റെ നത്താലി സ്കിവര്‍, സോഫി എക്സെല്‍സ്റ്റോണ്‍, വിന്‍ഡീസില്‍ നിന്ന് സകീര സീമാന്‍, സ്റ്റെഫാനി ടെയിലര്‍, ഹെയിലി മാത്യൂസ്, ന്യൂസിലാണ്ടില്‍ നിന്ന് അമേലിയ കെര്‍, ബംഗ്ലാദേശിന്റെ ജഹനാര അലം എന്നിവര്‍ ആണ് പുതുതായി ടൂര്‍ണ്ണമെന്റില്‍ എത്തു്ന താരങ്ങള്‍. അതേ സമയം ഓസ്ട്രേലിയന്‍ താരങ്ങളായ അലീസ ഹീലി, ബെത്ത് മൂണി, മെഗ് ലാന്നിംഗ്, എല്‍സെ പെറി, മെഗാന്‍ ഷൂട്ട് എന്നിവര്‍ ഇത്തവണ കളിയ്ക്കാനെത്തില്ല.

Advertisement