മാര്‍ഷിന്റെയും ഭുവിയുടെയും അഭാവം തീരാ നഷ്ടം, എന്നാല്‍ ടീമിലെ യുവ താരങ്ങള്‍ ആ ഉത്തരവാദിത്വം ഏറ്റെടുക്കുന്നു – റഷീദ് ഖാന്‍

Sports Correspondent

Download the Fanport app now!
Appstore Badge
Google Play Badge 1

മിച്ചല്‍ മാര്‍ഷിനെയും ഭുവനേശ്വര്‍ കുമാറിനെയും നഷ്ടമായത് ടീമിന് വലിയ തിരിച്ചടിയാണെന്നും എന്നാല്‍ ടീമിലെ യുവ താരങ്ങള്‍ ആ ഉത്തരവാദിത്വം ഏറ്റെടുക്കുന്നുവെന്നും ടീമിന് ഇപ്പോളും മികച്ച കോമ്പിനേഷന്‍ സൃഷ്ടിക്കുവാന്‍ കഴിയുന്നുണ്ടെന്നും പറഞ്ഞ് റഷീദ് ഖാന്‍. വലിയ സ്കോര്‍ നേടിയാലുള്ള ഗുണം ബാറ്റ്സ്മാന്മാര്‍ വലിയ ഷോട്ടുകള്‍ കളിക്കുവാന്‍ നിര്‍ബന്ധിതരാകുമെന്നതാണെന്നും മികച്ച പന്തുകള്‍ എറിഞ്ഞാല്‍ വിക്കറ്റുകള്‍ നേടുവാന്‍ സാധിക്കുമെന്നും റഷീദ് ഖാന്‍ വ്യക്തമാക്കി.

Mitchell Marsh

കഴിഞ്ഞ നാല് അഞ്ച് വര്‍ഷമായി സണ്‍റൈസേഴ്സിന്റെ ബൗളിംഗ് അതിശക്തമാണെന്നും ഇപ്പോള്‍ ഈ താരങ്ങളുടെ അഭാവത്തിലും ടീമിന് സ്കോര്‍ ബോര്‍ഡില്‍ റണ്‍സുണ്ടേല്‍ അത് വിജയകരമായി ചെറുത്ത് നിര്‍ത്തുവാന്‍ സാധിക്കുന്നുണ്ടെന്നും റഷീദ് വ്യക്തമാക്കി. ഈ ഗ്രൗണ്ടില്‍ 160 റണ്‍സ് പ്രതിരോധിക്കുവാന്‍ ടീമിന് കഴിഞ്ഞിട്ടുണ്ടെന്നും അതിനാല്‍ തന്നെ 201 റണ്‍സ് പ്രതിരോധിക്കുവാന്‍ ആകുമെന്ന് തങ്ങള്‍ക്ക് ഉറപ്പുണ്ടായിരുന്നുവെന്നു റഷീദ് വ്യക്തമാക്കി.