ഷാര്‍ജ്ജയിലെ വിക്കറ്റിൽ വരുൺ ചക്രവര്‍ത്തിയുടെ സ്പിന്‍ കുരുക്കിൽ വീണ് ഡല്‍ഹി ക്യാപിറ്റൽസ്. ടോസ് നഷ്ടമായ ശേഷം ബാറ്റിംഗിനിറങ്ങിയ ഡല്‍ഹി 20 ഓവറിൽ 5 വിക്കറ്റ് നഷ്ടത്തിൽ 135 റൺസ് മാത്രമാണ് നേടാനായത്.
പതിവ് ശൈലിയിൽ പൃഥ്വി ഷാ ഡല്‍ഹിയ്ക്ക് മിന്നും തുടക്കം നല്‍കിയെങ്കിലും വരുൺ ചക്രവര്‍ത്തി തന്റെ സ്പെല്ലിലെ ആദ്യ പന്തിൽ 18 റൺസ് നേടിയ പൃഥ്വിയെ വിക്കറ്റിന് മുന്നില്‍ കുടുക്കുകയായിരുന്നു. പിന്നീട് രണ്ടാം വിക്കറ്റിൽ സ്റ്റോയിനിസും ശിഖര്‍ ധവാനും ചേര്‍ന്ന് 39 റൺസ് നേടി ഡല്‍ഹിയെ മുന്നോട്ട് നയിക്കുകയായിരുന്നു. എന്നാൽ ഇരുവര്‍ക്കും വേഗത്തിൽ സ്കോര്‍ ചെയ്യുവാന്‍ സാധിച്ചില്ല.
സ്റ്റോയിനിസ്(18), ശിഖര്‍ ധവാന്‍(36), ഋഷഭ് പന്ത് എന്നിവരെ നഷ്ടപ്പെട്ട് 90/4 എന്ന നിലയിലേക്ക് വീഴുകയായിരുന്നു. ഹെറ്റ്മ്യറിനെ സ്കോര്‍ 3 റൺസിൽ നില്‍ക്കുമ്പോള്‍ വരുൺ ചക്രവര്‍ത്തി ഗില്ലിന്റെ കൈകളിലെത്തിച്ച് തന്റെ മൂന്നാം വിക്കറ്റ് നേടിയെങ്കിലും താരം നോബോള്‍ എറിഞ്ഞതിനാൽ ഹെറ്റ്മ്യര്‍ക്ക് ജീവന്‍ ദാനം ലഭിയ്ക്കുകയായിരുന്നു. എന്നാൽ 17 റൺസ് നേടിയ ഷിറ്റ്മ്യര്‍ റണ്ണൗട്ടാകുകയായിരുന്നു.
ശ്രേയസ്സ് അയ്യര്‍ പുറത്താകാതെ 30 റൺസ് നേടിയാണ് ഡല്‍ഹിയെ 135/5 എന്ന സ്കോറിലേക്ക് നയിക്കുകയായിരുന്നു. അവസാന നാലോവറിൽ 43 റൺസ് നേടിയാണ് ഡല്‍ഹി ക്യാപിറ്റൽസ് നേടിയത്.
