ഐപിഎല്‍ അവസാനിക്കുമ്പോള്‍ ഏറ്റവും അധികം റണ്‍സ് നേടിയ താരങ്ങളില്‍ ഒരാള്‍ ഗില്‍ ആയിരിക്കും – ഡേവിഡ് ഹസ്സി

Shubmangill

മോശം ഫോമിലൂടെയാണ് കൊല്‍ക്കത്ത നൈറ്റ് റൈഡേഴ്സ് യുവതാരം ശുഭ്മന്‍ ഗില്‍ കടന്ന് പോകുന്നത്. ഇത് വരെ അഞ്ച് മത്സരങ്ങള്‍ കളിച്ച താരം രണ്ട് മത്സരങ്ങളില്‍ മാത്രമാണ് 20ന് മേലെയുള്ള സ്കോര്‍ നേടിയത്.

താരം ഐപിഎല്‍ അവസാനിക്കുമ്പോള്‍ ഏറ്റവും അധികം റണ്‍സ് നേടുന്ന താരങ്ങളില്‍ ഒരാളായിരിക്കുമെന്നാണ് ശുഭ്മന്‍ ഗില്ലിന് പിന്തുണയുമായി എത്തിയ കൊല്‍ക്കത്തയുടെ ചീഫ് മെന്റര്‍ ഡേവിഡ് ഹസ്സി പറഞ്ഞത്.

ഓസ്ട്രേലിയയില്‍ ടെസ്റ്റ് പരമ്പരയില്‍ മിന്നും പ്രകടനം പുറത്തെടുത്ത താരം നെറ്റ്സിലും അതേ തീവ്രതയോടെയാണ് പരിശീലനം നടത്തുന്നതെന്നും മികച്ച വര്‍ക്ക് എത്തിക്സ് ഉള്ള താരം ഒരു ക്ലാസ്സ് ആക്ട് ആണെന്നും ഹസ്സി വ്യക്തമാക്കി.