മടങ്ങി വരവിന് താല്പര്യമുണ്ടെന്ന് അറിയിച്ച് ഡ്വെയിന്‍ ബ്രാവോ

- Advertisement -

അന്താരാഷ്ട്ര ക്രിക്കറ്റിലേക്ക് മടങ്ങി വരുവാന്‍ തനിക്ക് താല്പര്യമുണ്ടെന്ന് അറിയിച്ച് ഡ്വെയിന്‍ ബ്രാവോ. ഒക്ടോബര്‍ 2018ല്‍ അന്താരാഷ്ട്ര ക്രിക്കറ്റില്‍ നിന്ന് വിരമിച്ച താരം 2020 ഐസിസി പുരുഷ ടി20 ലോകകപ്പില്‍ കളിക്കുവാനുള്ള ആഗ്രഹമാണ് പ്രകടിപ്പിച്ചിരിക്കുന്നത്. വിന്‍ഡീസിനായി 2016നാണ് ഡ്വെയിന്‍ ബ്രാവോ അവസാനമായി ടി20 കളിച്ചിട്ടുള്ളത്. പിന്നീടം പരിക്കും ബോര്‍ഡുമായുള്ള അഭിപ്രായ വ്യത്യാസവും താരത്തിനെ ടീമില്‍ നിന്ന് പുറത്തിരുത്തി. ഇപ്പോള്‍ താന്‍ കോച്ചിനോടും ക്യാപ്റ്റനോടും പുതിയ പ്രസിഡന്റിനോടും മടങ്ങി വരവിന്റെ ആഗ്രഹം പ്രകടിപ്പിച്ചിട്ടുണ്ടെന്ന് ബ്രാവോ അഭിപ്രായപ്പെട്ടു.

വിന്‍ഡീസ് ക്രിക്കറ്റിലെ പോസിറ്റീവായ മാറ്റങ്ങളാണ് തന്റെ തീരുമാനത്തെ പുനഃപരിശോധിക്കുവാന്‍ ഇടയാക്കിയിരിക്കുന്നതെന്ന് താരം പറഞ്ഞു. താന്‍ വീണ്ടും ടി20യിലൂടെ അന്താരാഷ്ട്ര ക്രിക്കറ്റിലേക്ക് മടങ്ങിയെത്തി ഈ ഫോര്‍മാറ്റില്‍ വിന്‍ഡീസിനെ പ്രതിനിധീകരിക്കണമെന്നാണ് ആഗ്രഹിക്കുന്നതെന്ന് ബ്രാവോ വ്യക്തമാക്കി. തനിക്ക് ഒരിക്കലും ഫിറ്റ്നെസ്സ് പ്രശ്നങ്ങളുണ്ടായിരുന്നില്ലെന്നും തന്റെ പ്രതിഭയും പരിചയസമ്പത്തും ഒരിക്കലും മങ്ങുകയില്ലെന്നും ബ്രാവോ വ്യക്തമാക്കി.

Advertisement