വിമൻസ് പ്രീമിയർ ലീഗിന്റെ (WPL) ഉദ്ഘാടന സീസൺ മാർച്ച് 4 മുതൽ നടക്കുമെന്ന് ESPNcriinfo റിപ്പോർട്ട് ചെയ്യുന്നു. വരുന്ന ഐ പി എൽ സീസൺ ആരംഭിക്കും മുമ്പ് WPL അവസാനിക്കേണ്ടതുണ്ട് എന്നതാണ് അധികൃതർ ലീഗ് ഇങ്ങനെ പ്ലാൻ ചെയ്യുന്നത്. ഫെബ്രുവരി 10 മുതൽ 26 വരെ ദക്ഷിണാഫ്രിക്കയിൽ നടക്കുന്ന വനിതാ ടി20 ലോകകപ്പിനു പിന്നാലെ ആകും WPL ആരംഭിക്കുക.
IPL നടക്കുന്ന ചില ഗ്രൗണ്ടുകൾ WPL മത്സരങ്ങൾക്കും വേദിയാകുന്നുണ്ട്. ഇതാണ് ഐ പി എല്ലിന് ഒരാഴ്ച മുമ്പ് എങ്കിലും WPL പൂർത്തിയാക്കാൻ ബി സി സി ഐ ശ്രമിക്കുന്നത്. WPLനായുള്ള കളിക്കാരുടെ ലേലം മിക്കവാറും ഫെബ്രുവരി ആദ്യവാരം നടക്കും. കഴിഞ്ഞ ദിവസം മുംബൈ ഇന്ത്യൻസ്, ഡൽഹി ക്യാപിറ്റൽസ്, റോയൽ ചലഞ്ചേഴ്‌സ് ബാംഗ്ലൂർ എന്നിവയുടെ ഉടമകളും അദാനി ഗ്രൂപ്പും കാപ്രി ഹോൾഡിംഗ്‌സും WPL ടീമുകളെ സ്വന്തമാക്കിയിരുന്നു.
