ചരിത്രം!! 13കാരൻ വൈഭവ് സൂര്യവൻഷിയെ 1.2കോടിക്ക് രാജസ്ഥാൻ റോയൽസ് സ്വന്തമാക്കി

രാജസ്ഥാൻ റോയൽസ് 13 കാരനായ ബാറ്റിംഗ് സെൻസേഷൻ വൈഭവ് സൂര്യവൻഷിയെ ₹ 1.20 കോടിക്ക് സ്വന്തമാക്കി. ഐപിഎല്ലിൽ ഇതുവരെ വിറ്റഴിക്കപ്പെടുന്ന ഏറ്റവും പ്രായം കുറഞ്ഞ കളിക്കാരനായി വൈഭവ് മാറി. 30 ലക്ഷം രൂപ അടിസ്ഥാന വിലയിൽ നിന്ന് ഡൽഹി ക്യാപിറ്റൽസും രാജസ്ഥാൻ റോയൽസും വൈഭവിനെ പിന്തുടർന്നു. അവസാനം രാജസ്ഥാൻ താരത്തെ സ്വന്തമാക്കുക ആയിരുന്നു.

നിലവിൽ ഇന്ത്യ അണ്ടർ 19 ഏഷ്യാ കപ്പ് ടീമിൻ്റെ ഭാഗമാണ്, വലിയ ഭാവി പ്രവചിക്കപ്പെടുന്ന ഒരു മികച്ച പ്രതിഭയായാണ് വൈഭവ്. ഐ പി എല്ലിൽ അരങ്ങേറ്റം നടത്തിയാൽ ഐ പി എൽ കളിക്കുന്ന ഏറ്റവും പ്രായം കുറഞ്ഞ താരമായി വൈഭവ് മാറും.