ചെന്നൈ സൂപ്പര്‍ കിംഗ്സ് ഓള്‍റൗണ്ടര്‍ ബെന്‍ സ്റ്റോക്സിന്റെ മടങ്ങിവരവ് ഒരാഴ്ച കൂടി വൈകുമെന്ന് അറിയിച്ച് ടീം കോച്ച് സ്റ്റീഫന്‍ ഫ്ലെമിംഗ്. ചെന്നൈയുടെ ആദ്യ രണ്ട് മത്സരങ്ങളിൽ കളിച്ച ശേഷം താരം പിന്നീടുള്ള നാല് മത്സരങ്ങളിൽ കളിച്ചിരുന്നില്ല. താരത്തിന്റെ മടങ്ങി വരവ് ഒരാഴ്ച കൂടി വൈകുമെന്നാണ് ഇപ്പോള്‍ സ്റ്റീഫന്‍ ഫ്ലെമിംഗ് വെളിപ്പെടുത്തിയത്.
ചെന്നൈ നിരയിൽ സിസാന്‍ഡ മഗാല, ദീപക് ചഹാര്‍ എന്നിവര്‍ക്ക് പുറമെ ധോണിയും പരിക്കിന്റെ പിടിയിലാണ്. എന്നാൽ ധോണി തന്റെ പരിക്ക് കൃത്യമായി മാനേജ് ചെയ്യുന്നുണ്ടെന്നാണ് ഫ്ലെമിംഗ് വ്യക്തമാക്കിയത്. താരത്തിന് കളിക്കാനാകില്ലെങ്കിൽ താരം കളിക്കില്ലെന്നും അതിനാൽ തന്നെ ധോണിയുടെ കാര്യത്തിൽ ഇപ്പോള്‍ ആശങ്കയില്ലെന്നും സ്റ്റീഫന്‍ ഫ്ലെമിംഗ് വ്യക്തമാക്കി.
