ന്യൂസിലാണ്ട് താരം സ്കോട്ട് കുഗ്ഗെലൈന്‍ മുംബൈ ഇന്ത്യന്‍സ് ക്യാമ്പിലെത്തി. സ്കോട്ട് റിസര്‍വ് താരമെന്ന നിലയിലാണ് ടീമിനൊപ്പം ചേരുന്നത്. മുംബൈയുടെ അടുത്ത നാല് മത്സരങ്ങള്‍ ഡല്‍ഹിയിലാണ് നടക്കുന്നത്.
ജെയിംസ് നീഷം സ്കോട്ട് കുഗ്ഗെലൈന്‍ സ്നൂക്കര്‍ കളിക്കുന്ന ചിത്രം സമൂഹ മാധ്യമങ്ങളില്‍ പങ്കുവെച്ചിരുന്നു. ഈ ചിത്രത്തിന്റെ പിന്നിലെ ചുമരില്‍ മുംബൈ ഇന്ത്യന്‍സിന്റെ ലോഗോ കാണാവുന്നതാണ്.
ഐപിഎലില്‍ താരം മുമ്പ് ചെന്നൈ സൂപ്പര്‍ കിംഗ്സിന് വേണ്ടി കളിച്ചിട്ടുണ്ട്. ഐപിഎല്‍ 12ാം പതിപ്പില്‍ 2 മത്സരങ്ങള്‍ ചെന്നൈയ്ക്കായി കളിച്ചിട്ടുള്ളയാളാണ് താരം.
