കഴിഞ്ഞ ഐപിഎല്‍ ലേലത്തില്‍ മലിംഗയെ ആരും ലേലത്തില്‍ സ്വന്തമാക്കാതിരുന്നപ്പോള്‍ മുംബൈയുടെ കോച്ചിംഗ് സ്റ്റാഫിലേക്ക് മലിംഗ കുടിയേറിയിരുന്നു. ശ്രീലങ്കന്‍ ബോര്‍ഡിന്റെ പ്രാദേശിക ടൂര്‍ണ്ണമെന്റ് കളിയ്ക്കുവാന്‍ ആവശ്യപ്പെട്ടിട്ടും അത് നിരസിച്ച താരം പിന്നെ ഏറെ കാലം ദേശീയ ടീമിനു പുറത്തായിരുന്നു. എന്നാല്‍ ഇത്തവണ അടിസ്ഥാന വിലയായ രണ്ട് കോടി രൂപയ്ക്ക് മുംബൈ ഇന്ത്യന്‍സ് താരത്തെ സ്വന്തമാക്കി.
ശ്രീലങ്കന്‍ ഏകദിന-ടി20 നായകനായി നിയമിക്കപ്പെട്ട മലിംഗയ്ക്ക് വീണ്ടും ഐപിഎലിലേക്ക് തിരിച്ചുവരാനാകുമെന്നത് താരത്തിന്റെ ആരാധകര്‍ക്കും ഏറെ ആഹ്ലാദ നിമിഷം നല്‍കും.
