ഐപിഎലില്‍ താന്‍ ആറ് വര്‍ഷമായി കളിക്കുന്നതാണെന്നും അതിനാൽ തന്നെ തന്റെ ആത്മവിശ്വാസം ഉയര്‍ന്ന നിലയിലാണെന്നും ഇപ്പോള്‍ ഈ ഇതിഹാസങ്ങള്‍ക്കെതിരെ പന്തെറിയുമ്പോള്‍ സാധാരണ പോലെയാണ് തോന്നുന്നതെന്നും പറഞ്ഞ് പഞ്ചാബ് സ്പിന്നര്‍ ഹര്‍പ്രീത് ബ്രാര്‍. ഇന്നലെ ഐപിഎലില്‍ ചെന്നൈ – പഞ്ചാബ് മത്സരത്തിലെ താരമായി തിരഞ്ഞെടുക്കപ്പെട്ടത് ബ്രാറിനെ ആയിരുന്നു.
തന്റെ നാലോവറിൽ വെറും 17 റൺസ് മാത്രം വിട്ട് നൽകി 2 വിക്കറ്റാണ് ബ്രാര്‍ നേടിയത്. രഹാനെയെയും ശിവം ദുബേയെയും അടുത്തടുത്ത പന്തുകളിൽ പുറത്താക്കി ഹര്‍പ്രീത് സമ്മര്‍ദ്ദം സൃഷ്ടിച്ചപ്പോള്‍ രാഹുല്‍ ചഹാറും മികച്ച രീതിയിൽ പന്തെറിയുകയായിരുന്നു. 16 റൺസ് മാത്രം വിട്ട് നൽകി 2 വിക്കറ്റാണ് ചഹാര്‍ നേടിയത്.
