ഐപിഎലില്‍ ഇന്നത്തെ മത്സരത്തില്‍ മുംബൈ ബാറ്റിംഗിന്റെ താളം തെറ്റിച്ച് നാല് വിക്കറ്റ് വീഴത്തിയ റോയല്‍ ചലഞ്ചേഴ്സ് ബാംഗ്ലൂരിന്റെ യൂസുവേന്ദ്ര ചഹാല്‍ ഏറ്റവും അധികം വിക്കറ്റ് നേടുന്നവര്‍ക്കുള്ള പര്‍പ്പിള്‍ ക്യാപ് സ്വന്തമാക്കി. ഐപിഎലില്‍ രണ്ട് മത്സരങ്ങളില്‍ നിന്ന് 5 വിക്കറ്റാണ് ചഹാലിന്റെ നിലവിലെ സമ്പാദ്യം. ഇന്നത്തെ മത്സരത്തില്‍ നാലോവറില്‍ നിന്ന് 38 റണ്‍സ് വഴങ്ങിയാണ് താരത്തിന്റെ നേട്ടം.
ഇമ്രാന്‍ താഹിര്‍, ഡ്വെയിന്‍ ബ്രാവോ, ആന്‍ഡ്രേ റസ്സല്‍ എന്നിവരാണ് 4 വിക്കറ്റുമായി ചഹാലിനു തൊട്ടു പുറകെ പട്ടികയിലുള്ള മറ്റു താരങ്ങള്‍.
