നേപ്പാളിനെ തറപറ്റിച്ച് ഇന്ത്യന്‍ യുവനിര

എസിസി എമേര്‍ജിംഗ് ടീംസ് ഏഷ്യ കപ്പ് 2019ല്‍ നേപ്പാളിനെതിരെ 7 വിക്കറ്റ് വിജയം രചിച്ച് ഇന്ത്യ അണ്ടര്‍ 23 ടീം. ഇന്ന് ബംഗ്ലാദേശില്‍ നടന്ന മത്സരത്തില്‍ ഇന്ത്യ ആദ്യം ബാറ്റ് ചെയ്ത നേപ്പാളിനെ 44.5 ഓവറില്‍ 193 റണ്‍സിന് ഓള്‍ഔട്ട് ആക്കുകയായിരുന്നു. ലക്ഷ്യം 42 ഓവറില്‍ 3 വിക്കറ്റ് നഷ്ടത്തില്‍ ഇന്ത്യ മറികടന്നു. നേപ്പാളിന് വേണ്ടി പവന്‍ സറഫ് 56 റണ്‍സുമായി ടോപ് സ്കോറര്‍ ആയപ്പോള്‍ ശരദ് വേസാവ്കര്‍ 44 റണ്‍സ് നേടി. കുശാല്‍ ബുര്‍ടേല്‍(28), ദീപേന്ദ്ര സിംഗ് ഐറി(24), കരണ്‍ കെസി(20) എന്നിവരാണ് മറ്റു പ്രധാന സ്കോറര്‍മാര്‍. ഇന്ത്യയ്ക്കായി സൗരഭ് ഡുബേ നാല് വിക്കറ്റും യഷ് റാഥോഡ് മൂന്ന് വിക്കറ്റും നേടി തിളങ്ങി.

അര്‍ദ്ധ ശതകങ്ങള്‍ നേടിയ സന്‍വീര‍് സിംഗ്(56), അര്‍മാന്‍ ജാഫര്‍(51) എന്നിവരുടെയൊപ്പം ഒരു റണ്‍സിന് അര്‍ദ്ധ ശതകം നഷ്ടമായ ഇന്ത്യന്‍ നായകന്‍ ശരത്ത് ബിആര്‍ ആണ് തിളങ്ങിയ മറ്റൊരു താരം.

Previous articleമാഞ്ചസ്റ്ററിലേക്ക് ഡിസംബറിൽ തന്നെ എത്താൻ മാൻസുകിച്
Next articleസൗരഭ് വര്‍മ്മയ്ക്കെതിരെ മൂന്ന് ഗെയിം പോരാട്ടത്തില്‍ വിജയം, ശ്രീകാന്ത് കിഡംബി ക്വാര്‍ട്ടറില്‍, പ്രണോയ്‍യ്ക്ക് പരാജയം