primus mobile
primus mobile

മാറിയ സാഹചര്യത്തില്‍ ഇന്ത്യ ഇംഗ്ലണ്ടിലേക്ക് നേരത്തെ യാത്രയാകും

India Test Ajinke Axer Gill Panth Kohli

ഐപിഎല്‍ ഉപേക്ഷിച്ച സാഹചര്യത്തില്‍ ഇന്ത്യ ലോക ടെസ്റ്റ് ചാമ്പ്യന്‍ഷിപ്പ് ഫൈനലിനായി ഇംഗ്ലണ്ടിലേക്ക് നേരത്തെ യാത്രയാകും. ഇന്ത്യന്‍ താരങ്ങള്‍ ഇംഗ്ലണ്ടില്‍ കഴിയേണ്ട 14 ദിവസത്തെ ക്വാറന്റീന്‍ കൂടി പരിഗണിച്ചാണ് ഇന്ത്യയുടെ യാത്ര നേരത്തെയാക്കുവാനുള്ള തീരുമാനത്തിലേക്ക് ബിസിസിഐ എത്തുന്നത്.

നേരത്തെ ഐപിഎല്‍ കഴിഞ്ഞ ശേഷമായിരുന്നു ഇന്ത്യ തങ്ങളുടെ ഇംഗ്ലണ്ടിലേക്കുള്ള യാത്രയ്ക്ക് പദ്ധതിയിട്ടിരുന്നത്. എന്നാല്‍ കൊറോണ കാരണം ഐപിഎല്‍ ഉപേക്ഷിച്ചതോടെ ഇന്ത്യന്‍ ബോര്‍ഡ് സ്ക്വാഡ് നേരത്തെ പ്രഖ്യാപിച്ച് ടീമിനെ ഇംഗ്ലണ്ടിലേക്ക് ഈ മാസം തന്നെ യാത്രയാക്കുവാനുള്ള ശ്രമമാണെന്നാണ് അറിയുന്നത്.