ഇന്ത്യയുടെ രണ്ടാം ഇന്നിംഗ്സ് വെറും 170 റൺസിൽ അവസാനിച്ചപ്പോള്‍ ന്യൂസിലാണ്ട് 139 റൺസ് വിജയ ലക്ഷ്യം. അവസാന ദിവസത്തെ മോശംം ബാറ്റിംഗ് പ്രകടനം ആണ് ഇന്ത്യയ്ക്ക് വിനയായത്. 41 റൺസ് നേടിയ ഋഷഭ് പന്ത് മാത്രമാണ് പൊരുതി നിന്നത്. 64/2 എന്ന സ്കോറിംഗ് ബാറ്റിംഗ് പുനരാരംഭിച്ച ഇന്ത്യയുടെ അവസാന എട്ട് വിക്കറ്റുകള്‍ 106 റൺസിനാണ് നഷ്ടമായത്.
ന്യൂസിലാണ്ടിനായി ടിം സൗത്തി നാലും ട്രെന്റ് ബോള്‍ട്ട് മൂന്നും വിക്കറ്റ് നേടി. വിരാട് കോഹ്‍ലിയെയും ചേതേശ്വര്‍ പുജാരയെയും പുറത്താക്കി കൈല്‍ ജാമിസണാണ് ഇന്നത്തെ ന്യൂസിലാണ്ടിന്റെ മികച്ച പ്രകടനത്തിന് തുടക്കമിട്ടത്.
