ഐപിഎലിന് ശേഷം ലോക ടെസ്റ്റ് ചാമ്പ്യന്‍ഷിപ്പിനും ഇംഗ്ലണ്ടുമായുള്ള ടെസ്റ്റ് പരമ്പരയുമാണ് ഇന്ത്യയുടെ അടുത്ത രണ്ട് പ്രധാന വെല്ലുവിളികള്‍. ജൂണ്‍ 18 – 22 വരെയുള്ള ടെസ്റ്റ് ചാമ്പ്യന്‍ഷിപ്പ് ഫൈനലിനായി ഇന്ത്യ വലിയൊരു സംഘത്തെ അയയ്ക്കുവാന്‍ ഒരുങ്ങുന്നുവെന്നാണ് ലഭിയ്ക്കുന്ന വിവരം.
ന്യൂസിലാണ്ടിനെതിരെയുള്ള ഡബ്ല്യുടിസി ഫൈനലിന് മുമ്പ് ആവശ്യത്തിന് സന്നാഹ മത്സരങ്ങള്‍ ഇല്ലാത്തതിനാല്‍ ഇന്റര്‍ സ്ക്വാഡ് മത്സരങ്ങള്‍ നടത്തുവാനുള്ള തയ്യാറെടുപ്പുകളാണ് ബിസിസിഐ ഒരുക്കുന്നതെന്നാണ് അറിയുന്നത്.
