ബംഗ്ലാദേശ് എ യെ വെറും 252 റൺസിന് പുറത്താക്കി ഇന്ത്യ എ. മുകേഷ് കുമാറിന്റെ ആറ് വിക്കറ്റ് നേട്ടം ആണ് ഇന്ത്യ എ യ്ക്ക് മത്സരത്തിൽ മേൽക്കൈ നേടിക്കൊടുത്തത്. 80 റൺസ് നേടിയ ഷഹാദത് ഹൊസൈനും 62 റൺസ് നേടിയ ജാക്കര്‍ അലിയും ആണ് ആതിഥേയര്‍ക്കായി തിളങ്ങിയത്. സാക്കിര്‍ ഹസന്‍ 45 റൺസ് നേടി.
84/5 എന്ന നിലയിലേക്ക് വീണ ടീമിനെ വലിയ തകര്‍ച്ചയിൽ നിന്ന് കരകയറ്റിയത് ആറാം വിക്കറ്റിൽ 139 റൺസ് നേടിയ ഷഹാദത് – ജാക്കര്‍ അലി കൂട്ടുകെട്ടാണ്. ഉമേഷ് യാദവും ജയന്ത് യാദവും ഇന്ത്യയ്ക്കായി രണ്ട് വിക്കറ്റ് നേടി.
ഒന്നാം ദിവസം കളി അവസാനിക്കുമ്പോള്‍ വിക്കറ്റ് നഷ്ടമില്ലാതെ ഇന്ത്യ 11 റൺസ് നേടിയിട്ടുണ്ട്.
