ഇന്ത്യ-ദക്ഷിണാഫ്രിക്ക എ ടീമുകള്‍ തമ്മിലുള്ള അനൗദ്യോഗിക ടെസ്റ്റിന്റെ രണ്ടാം ദിവസം അവസാനിക്കുമ്പോള്‍ ദക്ഷിണാഫ്രിക്ക 125/5 എന്ന നിലയില്‍. ഇന്ത്യയുടെ ഒന്നാം ഇന്നിംഗ്സ് ലീഡായ 139 റണ്‍സ് മറികടക്കുവാന്‍ ദക്ഷിണാഫ്രിക്ക 14 റണ്‍സ് കൂടി നേടേണ്ടതുണ്ട്. ഹെയിന്‍റിച്ച് ക്ലാസ്സെന്‍ 35 റണ്‍സുമായും വിയാന്‍ മുള്‍ഡര്‍ 12 റണ്‍സുമായി സന്ദര്‍ശകര്‍ക്കായി ക്രീസില്‍ നില്‍ക്കുന്നു.
44 റണ്‍സ് നേടി സുബൈര്‍ ഹംസയാണ് ഇപ്പോള്‍ രണ്ടാം ഇന്നിംഗ്സില്‍ ദക്ഷിണാഫ്രിക്കയുടെ ടോപ് സ്കോറര്‍. ഇന്ത്യയ്ക്കായി ഷഹ്ബാസ് നദീം രണ്ടും മുഹമ്മദ് സിറാജ്, ശര്‍ദ്ധുല്‍ താക്കൂര്‍, കൃഷ്ണപ്പ ഗൗതം എന്നിവര്‍ ഓരോ വിക്കറ്റും നേടി. 164 റണ്‍സില്‍ ദക്ഷിണാഫ്രിക്കയുടെ ഒന്നാം ഇന്നിംഗ്സ് അവസാനിപ്പിച്ച ഇന്ത്യയുടെ ഒന്നാം ഇന്നിംഗ്സ് 303 റണ്‍സില്‍ അവസാനിച്ചിരുന്നു. ശുഭ്മന്‍ ഗില്‍ 90 റണ്‍സ് നേടി പുറത്തായപ്പോള്‍ ജലജ് സക്സേന(61*) ശര്‍ദ്ധുല്‍ താക്കൂര്‍(34) റണ്‍സും നേടി.
