ഹസന്‍ അലിയ്ക്കുള്ള സാമ്പത്തിക സഹായം ബോര്‍ഡ് നല്‍കും

- Advertisement -

കേന്ദ്ര കരാര്‍ ലഭിച്ചില്ലെങ്കിലു‍ം പരിക്ക് മൂലം ക്രിക്കറ്റില്‍ നിന്ന് വിട്ട് നില്‍ക്കുന്ന ഹസന്‍ അലിയ്ക്ക് പാക്കിസ്ഥാന്‍ ബോര്‍ഡ് സാമ്പത്തിക സഹായം നല്‍കുമെന്ന് അറിയിച്ച് പാക്കിസ്ഥാന്‍ ബോര്‍ഡ് സിഇഒ വസീം ഖാന്‍. താരത്തിന് 2019 സെപ്റ്റംബറിലാണ് പുറംവേദന പ്രശ്നമായി വന്ന് തുടങ്ങിയത്. തുടര്‍ന്ന് ഓസ്ട്രേലിയന്‍ പര്യടനത്തില്‍ നിന്ന് താരം പിന്മാറുകയായിരുന്നു.

ഹസന്‍ അലി പാക്കിസ്ഥാന്‍ ക്രിക്കറ്റിലെ അമൂല്യമായ താരമാണെന്നും ഐസിസി ചാമ്പ്യന്‍സ് ട്രോഫി വിജയത്തിലെ ഹീറോയാണെന്നും പറഞ്ഞ വസീം ഖാന്‍ ഇത്തരം താരങ്ങളെ അവരുടെ കഷ്ടകാലത്ത് സഹായിക്കേണ്ട ബാധ്യത പാക്കിസ്ഥാന്‍ ബോര്‍ഡിനാണെന്നും വ്യക്തമാക്കി.

ഇത്തരം സഹായം ലഭ്യമാക്കുന്നത് വഴി താരത്തിന് അദ്ദേഹത്തിന്റെ ഫിറ്റ്നെസ്സില്‍ മാത്രം ശ്രദ്ധ കേന്ദ്രീകരിക്കാമെന്നും വസീം ഖാന്‍ വ്യക്തമാക്കി.

Advertisement