ഇന്ത്യന്‍ ടെസ്റ്റ് താരം ഹനുമ വഹാരി കൗണ്ടി ചാമ്പ്യന്‍ഷിപ്പിനായി എത്തുന്നു. ഇംഗ്ലീഷ് കൗണ്ടിയായ വാര്‍വിക്ക്ഷയറുമായാണ് താരം കരാറിലെത്തിയിരിക്കുന്നത്. ചാമ്പ്യന്‍ഷിപ്പിന്റെ രണ്ടാം റൗണ്ട് മുതല്‍ താരം ടീമിന് വേണ്ടി കളിക്കാനുണ്ടാകും.
ഫസ്റ്റ് ക്ലാസ്സില്‍ 56.75 ശരാശരിയുള്ള താരം 21 ശതകങ്ങളും 302 നോട്ട്ഔട്ട് എന്ന ഉയര്‍ന്ന സ്കോറും നേടിയിട്ടുണ്ട്. ഓസ്ട്രേലിയന്‍ ടെസ്റ്റ് പര്യടനത്തിനിടെ പരിക്കേറ്റുവെങ്കിലും മത്സരം സമനിലയിലാക്കുവാന്‍ താരം പുറത്തെടുത്തു വീരോചിതമായ ഇന്നിംഗ്സ് താരത്തിന് ഏറെ പ്രശംസ നേടിക്കൊടുത്തിരുന്നു.
