ന്യൂസിലാണ്ടും ഇംഗ്ലണ്ടും തമ്മിലുള്ള ഹാമിള്‍ട്ടണ്‍ ടെസ്റ്റ് സമനിലയില്‍ അവസാനിച്ചു. മത്സരത്തിന്റെ അവസാന ദിവസം 96/2 എന്ന നിലയില്‍ ബാറ്റിംഗ് ആരംഭിച്ച ന്യൂസിലാണ്ട് കൂടുതല്‍ വിക്കറ്റുകള്‍ നഷ്ടപ്പെടാതെ 241 റണ്‍സ് എന്ന നിലയില്‍ മത്സരം സമനിലയില്‍ എത്തിയ്ക്കുകയായിരുന്നു.
28/2 എന്ന നിലയില്‍ ഒത്തുകൂടിയ ന്യൂസിലാണ്ട് ക്യാപ്റ്റനും റോസ് ടെയിലറും കഴിഞ്ഞ ദിവസം 68 റണ്‍സിന്റെ കൂട്ടുകെട്ട് നേടിയിരുന്നു. ഇന്ന് 175 റണ്‍സ് കൂടിയാണ് ഇരുവരും നേടിയത്.
മത്സരം 75 ഓവറിലെത്തി നില്‍ക്കെ മഴ കൂടി വന്നതോടെ അഞ്ചാം ദിവസം പിന്നീട് കളിയൊന്നും നടക്കാതെ ടീമുകള്‍ കൈ കൊടുത്തു പിരിഞ്ഞു.
മത്സരത്തിലെ താരമായി ഇരട്ട ശതകം നേടിയ ജോ റൂട്ടിനെയും പരമ്പരയിലെ താരമായി നീല്‍ വാഗ്നറെയും തിരഞ്ഞെടുത്തു.
