പാക്കിസ്ഥാന്‍ താരങ്ങളായ ഹൈദര്‍ അലി, ഇമ്രാന്‍ ഖാന്‍, ഖാസിഫ് ബട്ടി എന്നിവര്‍ക്ക് ഇംഗ്ലണ്ടിലേക്ക് യാത്രയാകാമെന്ന് അറിയിച്ച് ബോര്‍ഡ്. നേരത്തെ കൊറോണ പോസിറ്റീവ് എന്ന് കണ്ടെത്തിയ താരങ്ങള്‍ പിന്നീട് നടത്തിയ രണ്ട് ടെസ്റ്റുകളിലും നെഗറ്റീവ് ആയതോടെയാണ് ബോര്‍ഡ് താരങ്ങള്‍ക്ക് അനുമതി നല്‍കിയത്.
ജൂലൈ എട്ടിന് താരങ്ങള്‍ ഇംഗ്ലണ്ടിലേക്ക് യാത്രയാകുമെന്നാണ് ബോര്‍ഡ് അറിയിച്ചത്. പാക്കിസ്ഥാന്‍ ബോര്‍ഡ് ഒരുക്കുന്ന യാത്ര സൗകര്യങ്ങളിലാവും ഈ മൂവര്‍ സംഘം യാത്രയാകുക. ആദ്യം പാക്കിസ്ഥാന്‍ താരങ്ങളില്‍ പോസിറ്റീവായ പത്ത് പേരില്‍ ഇപ്പോള്‍ ഹാരിസ് റൗഫ് മാത്രമാണ് ഇതുവരെ നെഗറ്റീവ് ആകാതിരിക്കുന്നത്.
രോഗലക്ഷണങ്ങളൊന്നുമില്ലെങ്കിലും താരം ഇതുവരെ ടെസ്റ്റില്‍ നെഗറ്റീവ് ആയിട്ടില്ല. പാക്കിസ്ഥാന്‍ ഇംഗ്ലണ്ടില്‍ തങ്ങളുടെ 14 ദിവസത്തെ ഐസൊലേഷന്‍ കാലം ചെലവഴിക്കുകയാണ്.
