2019 കൗണ്ടി സീസണിന്റെ ആദ്യ പകുതിയില്‍ ഓസ്ട്രേലിയന്‍ താരം മാര്‍നസ് ലാബൂഷാനെയെ ടീമിലെത്തിച്ച് ഗ്ലാമോര്‍ഗന്‍. മറ്റൊരു ഓസീസ് താരം ദേശീയ ടീമിനൊപ്പം തിരക്കിലാകുവാനുള്ള സാധ്യത പരിഗണിച്ചാണ് ഈ തീരുമാനം. 24 വയസ്സുകാരന്‍ ഓസ്ട്രേലിയന്‍ താരമായ ലാബൂഷാനെ റോയല്‍ ലണ്ടന്‍ വണ്‍-ഡേ കപ്പില്‍ പൂര്‍ണ്ണമായും കൗണ്ടി ചാമ്പ്യന്‍ഷിപ്പിന്റെ ആദ്യ പകുതിയിലും ടീമില്‍ ഉണ്ടാകും.
പാക്കിസ്ഥാനെതിരെ കഴിഞ്ഞ വര്‍ഷം ടെസ്റ്റ് അരങ്ങേറ്റം നടത്തിയ താരം അഞ്ച് ടെസ്റ്റില്‍ കളിച്ചിട്ടുണ്ട്. ഫസ്റ്റ്-ക്ലാസ്സില്‍ നാല് ശതകങ്ങള്‍ താരത്തിനു സ്വന്തമാക്കാനായിട്ടുണ്ട്.
