ആരാണ് ഇന്ത്യക്ക് ആയി ഓപ്പൺ ചെയ്യേണ്ടത് എന്ന ചർച്ചകൾക്ക് ഗിൽ അവസാനം കുറിച്ചു എന്ന് മുൻ ഇന്ത്യൻ താരം ആകാശ് ചോപ്ര. ഇന്നലത്തെ ഗില്ലിന്റെ ഇരട്ട സെഞ്ച്വറിയെ കുറിച്ച് സംസാരിക്കുക ആയിരുന്നു ചോപ്ര.
ഇഷാൻ കിഷന്റെ ഡബിൾ സെഞ്ചുറിക്ക് ശേഷം ഓപ്പണിൽ ആര് ഇറങ്ങണം എന്ന് ചില ചർച്ചകൾ നടന്നിരുന്നു, അതിന് മുമ്പ് ശിഖർ ധവാനെക്കുറിച്ചും ചില ചർച്ചകൾ നടന്നിരുന്നു. കെഎൽ രാഹുൽ ശരിയായ നമ്പറിൽ ആണോ ബാറ്റ് ചെയ്യുന്നത് എന്നും ചർച്ചകൾ നടന്നു. എന്നാൽ ശുഭ്മാൻ ഗിൽ ആണ് ഓപ്പൺ ചെയ്യേണ്ടത് ഇപ്പോൾ വളരെ വ്യക്തമായിരിക്കുകയാണ്. ചോപ്ര പറഞ്ഞു.
ഗിൽ ഏകദിന ക്രിക്കറ്റിൽ ഏറ്റവും ആദ്യം തന്നെ ഇറങ്ങേണ്ട താരമാണ്. കഴിഞ്ഞ ഒന്നര രണ്ട് മാസത്തിനിടെ ഇന്ത്യക്ക് രണ്ട് ഇരട്ട സെഞ്ചുറികൾ ലഭിച്ചു. 50 ഓവർ ഫോർമാറ്റാണ് ഗില്ലിന് ഏറ്റവും അനുയോജ്യമെന്നും മുൻ ക്രിക്കറ്റ് താരം ചോപ്ര പറഞ്ഞു, അവൻ ബാറ്റ് ചെയ്യുമ്പോഴെല്ലാം മനോഹരമായ രീതിയിലാണ് ബാറ്റു ചെയ്യുന്നത് എന്നും അദ്ദേഹം കൂട്ടിച്ചേർത്തു.
