പീറ്റര്‍ സിഡില്‍ എസെക്സില്‍

- Advertisement -

കൗണ്ടിയിലെ നിലവിലെ ചാമ്പ്യന്മാരായ എസെക്സ് ഓസ്ട്രേലിയന്‍ ഫാസ്റ്റ് ബൗളര്‍ പീറ്റര്‍ സിഡിലുമായി കരാറില്‍ ഏര്‍പ്പെട്ടു. ടൂര്‍ണ്ണമെന്റിലെ ആദ്യ അഞ്ച് മത്സരങ്ങള്‍ക്കായാണ് താരത്തെ ടീം സ്വന്തമാക്കിയിട്ടുള്ളത്. 1992നു ശേഷം ആദ്യമായാണ് കഴിഞ്ഞ സീസണില്‍ എസെക്സ് കിരീടം ചൂടുന്നത്. കഴിഞ്ഞ ദിവസം ബിഗ്ബാഷ് കിരീടം വിജയിച്ച അഡിലെയ്ഡ് സ്ട്രൈക്കേഴ്സില്‍ അംഗമായിരുന്നു പീറ്റര്‍ സിഡില്‍.

2016ലാണ് സിഡില്‍ അവസാനമായി ഓസ്ട്രേലിയയ്ക്ക് വേണ്ടി ടെസ്റ്റ് കളിച്ചത്. എന്നിരുന്നാലും ഓസ്ട്രേലിയയ്ക്കായി 62 ടെസ്റ്റ് മത്സരങ്ങള്‍ കളിച്ചിട്ടുള്ള താരത്തിന്റെ അനുഭവ സമ്പത്ത് ടീമിനു ഗുണമാകുമെന്നാണ് എസെക്സിന്റെ വിലയിരുത്തല്‍.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement