ഇംഗ്ലണ്ടും ഇന്ത്യയും തമ്മിലുള്ള അഞ്ചാമത്തെ ക്രിക്കറ്റ് ടെസ്റ്റിൽ ടോസ് നേടിയ ഇംഗ്ലണ്ട് ബാറ്റിംഗ് തിരഞ്ഞെടുത്തു. അഞ്ച് മത്സരങ്ങളുള്ള പരമ്പര ഇംഗ്ലണ്ട് നേരത്തെ 3-1ന് സ്വന്തമാക്കിയിരുന്നു. കഴിഞ്ഞ ടെസ്റ്റിൽ കളിച്ച അതെ ടീമിനെ നിലനിർത്തിയാണ് ഇംഗ്ലണ്ട് ഇന്നിറങ്ങുന്നത്.
കഴിഞ്ഞ ടെസ്റ്റിൽ കളിച്ച ടീമിൽ നിന്ന് മാറ്റങ്ങളുമായാണ് ഇന്ത്യ ഇന്നിറങ്ങുന്നത്. ഹർദിക് പാണ്ട്യക്ക് പകരമായി ഹനുമ വിഹരി ഇന്ത്യക്കായി ടെസ്റ്റിൽ അരങ്ങേറ്റം കുറിക്കും. ഇന്ത്യക്ക് വേണ്ടി ടെസ്റ്റ് കളിക്കുന്ന 292മത്തെ താരമാണ് വിഹരി. കഴിഞ്ഞ മത്സരത്തിൽ കളിച്ച സ്പിന്നർ അശ്വിന് പകരം ജഡേജയും ടീമിൽ എത്തിയിട്ടുണ്ട്. നേരത്തെ ഓവലിൽ കളിച്ച രണ്ട് ടെസ്റ്റും പരാജയപ്പെട്ട ചരിത്രമാണ് ഇന്ത്യക്കുള്ളത്.
