ഇംഗ്ലണ്ട് തിരിച്ചു വരവിന്റെ പാതയില്‍, മോയിന്‍ അലിയ്ക്ക് അര്‍ദ്ധ ശതകം

- Advertisement -

ആദ്യ സെഷനില്‍ നാല് വിക്കറ്റുകള്‍ നഷ്ടമായ ശേഷം രണ്ടാം സെഷനിലെ രണ്ടാം പന്തില്‍ തന്നെ ജോണി ബൈര്‍സ്റ്റോയെ(52) ബെന്‍ സ്റ്റോക്സിനെയും ഇംഗ്ലണ്ടിനു നഷ്ടമായെങ്കിലും ടീമിനെ തിരിച്ചുവരവിന്റെ പാതയിലേക്ക് നയിച്ച് മോയിന്‍ അലിയും ബെന്‍ ഫോക്സും. രണ്ടാം സെഷന്‍ അവസാനിക്കുമ്പോള്‍ ഇംഗ്ലണ്ട് 172/6 എന്ന നിലയിലാണ്.

ബെന്‍ സ്റ്റോക്സിനെ(14) ഷാനണ്‍ ഗബ്രിയേല്‍ പുറത്താക്കിയ ശേഷം അപരാജിതമായ 79 റണ്‍സ് ഏഴാം വിക്കറ്റ് കൂട്ടുകെട്ടിലൂടെ ഇംഗ്ലണ്ട് വന്‍ തകര്‍ച്ചയെയാണ് ഇപ്പോള്‍ അതിജീവിച്ചിരിക്കുന്നത്. മോയിന്‍ അലി തന്റെ 14ാം അര്‍ദ്ധ ശതകം പൂര്‍ത്തിയാക്കി 55 റണ്‍സുമായി നില്‍ക്കുമ്പോള്‍ ബെന്‍ ഫോക്സ് 32 റണ്‍സാണ് നേടിയിട്ടുള്ളത്.

അവസാന സെഷനില്‍ ഇംഗ്ലണ്ടിനെ പുറത്താക്കുക എന്ന ലക്ഷ്യത്തോടെയാവും വിന്‍ഡീസ് ഗ്രൗണ്ടിലേക്ക് ഇറങ്ങുന്നത്.

Advertisement