ഡിസംബര്‍ 1ന് ആരംഭിയ്ക്കുന്ന റാവൽപിണ്ടി ടെസ്റ്റിന് മുമ്പ് ഇംഗ്ലണ്ട് ക്യാമ്പിൽ ഭീതി പടര്‍ത്തി വൈറസ് ബാധ. കോവിഡ് ലക്ഷണങ്ങളില്ലാത്ത വൈറസ് ബാധയേറ്റതിൽ ബെന്‍ സ്റ്റോക്സ് ഉള്‍പ്പെടെ 14 താരങ്ങളാണുള്ളതെന്നാണ് ബിബിസി സ്പോര്‍ട് റിപ്പോര്‍ട്ട് ചെയ്തത്. ഇവരോടും കോച്ചുമാരോടും ഹോട്ടലില്‍ തന്നെ തുടരുവാനാണ് ആവശ്യപ്പെട്ടിരിക്കുന്നത്.
വെറും അഞ്ച് താരങ്ങളാണ് കഴിഞ്ഞ ദിവസത്തെ നിര്‍ബന്ധമല്ലാത്ത പരിശീലന സെഷനിൽ പങ്കെടുത്തതെന്നാണ് ലഭിയ്ക്കുന്ന വിവരം. കോവിഡ് ലക്ഷണങ്ങളില്ലാത്തതിനാൽ തന്നെ അടുത്ത 24 മണിക്കൂറിനുള്ളിൽ താരങ്ങളെല്ലാവരും പുരോഗതി കൈവരിക്കുമെന്നാണ് പ്രതീക്ഷിക്കപ്പെടുന്നത്.
