പാക് നായകന്‍ സര്‍ഫ്രാസ് തന്നെ

- Advertisement -

ലോകകപ്പിനുള്ള പാക്കിസ്ഥാന്റെ നായകന്‍ സര്‍ഫ്രാസ് അഹമ്മദ് തന്നെയായിരിക്കുമെന്ന് അറിയിച്ച് പാക്കിസ്ഥാന്‍ ക്രിക്കറ്റ് ബോര്‍ഡ് ചെയര്‍മാന്‍ എഹ്സാന്‍ മാനി. സര്‍ഫ്രാസുമായുള്ള കൂടിക്കാഴ്ചയ്ക്ക് ശേഷമാണ് പാക്കിസ്ഥാന്‍ നായകന്‍ സര്‍ഫ്രാസ് തന്നെയായിരിക്കുമെന്ന് മാനി പ്രഖ്യാപിച്ചത്. വംശീയമായ അധിക്ഷേപത്തിനു ദക്ഷിണാഫ്രിക്കന്‍ പരമ്പരയില്‍ താരത്തിനു നാല് മത്സരങ്ങളില്‍ സസ്പെന്‍ഷന്‍ ലഭിച്ചിരുന്നു. അതിനു ശേഷം ഷൊയ്ബ് മാലിക് ആണ് ടീമിനെ നയിച്ചത്. തുടര്‍ന്ന് ലോകകപ്പിനു വേറെ നായകനാവും പാക്കിസ്ഥാനുണ്ടാകുക എന്ന തരത്തിലുള്ള വാര്‍ത്ത പരക്കുകയായിരുന്നു.

സര്‍ഫ്രാസ് ഓസ്ട്രേലിയ്ക്കെതിരെയുള്ള ഏകദിനങ്ങളിലും ലോകകപ്പിലും ടീമിനെ നയിക്കുമെന്ന് പറഞ്ഞ മാനി അതിനു ശേഷമുള്ള കാര്യങ്ങള്‍ ലോകകപ്പിനു ശേഷം മാത്രമേ തീരുമാനിക്കുകയുള്ളുവെന്നും പാക് ക്രിക്കറ്റ് ബോര്‍ഡ് തലവന്‍ പ്രഖ്യാപിച്ചു.

Advertisement