പാക്കിസ്ഥാന്റെ 20 ടീമംഗങ്ങള്‍ക്കും 11 ഒഫീഷ്യലുകള്‍ക്കും കോവിഡ് പരിശോധന ഒരുക്കി ഇംഗ്ലണ്ട് ക്രിക്കറ്റ് ബോര്‍ഡ്

ഇംഗ്ലണ്ടില്‍ ടെസ്റ്റ് പരമ്പരയ്ക്കെത്തിയ പാക്കിസ്ഥാന്‍ സ്ക്വാഡിനുള്ള കോവിഡ് പരിശോധന ഒരുക്കി ഇംഗ്ലണ്ട് ബോര്‍ഡ്. 20 കളിക്കാര്‍ക്കും 11 ഒഫീഷ്യലുകള്‍ക്കുമാണ് പരിശോധന ഒരുക്കിയിരിക്കുന്നത്. നേരത്തെ പാക്കിസ്ഥാന്‍ ബോര്‍ഡ് നടത്തിയ പരിശോധനയില്‍ 10 താരങ്ങള്‍ കോവിഡ് പോസിറ്റീവ് ആയി കണ്ടെത്തിയിരുന്നു.

പിന്നീട് ഇവരെ ഒഴിവാക്കി ടെസ്റ്റില്‍ നെഗറ്റീവ് ആയ താരങ്ങളുമാണ് ഇന്നലെ പാക്കിസ്ഥാന്‍ സംഘം ഇംഗ്ലണ്ടിലേക്ക് യാത്രയായത്. 14 ദിവസത്തെ ക്വാറന്റീനില്‍ കഴിഞ്ഞ ശേഷമാവും ടീം മത്സരവേദിയിലേക്ക് യാത്രയാകുന്നത്.