ടെസ്റ്റ് ചാമ്പ്യന്‍ഷിപ്പ് ആരംഭിച്ചതിന്റെ ഉദ്ദേശ്യം ഫലം കണ്ടിട്ടില്ലെന്ന് പറഞ്ഞ് പുതിയ ഐസിസി ചെയര്‍മാന്‍ ഗ്രെഗ് ബാര്‍ക്ലേ. ടെസ്റ്റ് ക്രിക്കറ്റിനെ കൂടുതല്‍ ആളുകളിലേക്ക് എത്തിയ്ക്കുക എന്ന ഉദ്ദേശ്യലക്ഷ്യത്തോടെയാണ് ടെസ്റ്റ് ചാമ്പ്യന്‍ഷിപ്പ് ഐസിസി ആരംഭിച്ചത്. എന്നാലത് ഫലം കണ്ടുവെന്ന് തനിക്ക് തോന്നുന്നിന്നില്ലെന്ന് അടുത്തിടെ ഐസിസി ചെയര്‍മാന്‍ ആയി നിയമിക്കപ്പെട്ട ഗ്രെഗ് പറഞ്ഞു.
ടൂര്‍ണ്ണമെന്റ് തുടരണോ വേണ്ടയോ എന്ന അവലോകനം നടത്തേണ്ടതുണ്ടെന്നും ഗ്രെഗ് പറഞ്ഞു. കോവിഡ് ഈ ചാമ്പ്യന്‍ഷിപ്പിന്റെ വീഴ്ചകളെ ചൂണ്ടിക്കാണിച്ചുവെന്നും ഗ്രെഗ് വ്യക്തമാക്കി. പല ഗുണങ്ങളും ലോക ടെസ്റ്റ് ചാമ്പ്യന്‍ഷിപ്പിനുണ്ടെങ്കിലും അത് പൂര്‍ണ്ണമായും ടെസ്റ്റ് ക്രിക്കറ്റിന് ഗുണകരമാണോ എന്നതില്‍ തനിക്ക് സംശയമുണ്ടെന്ന് ഗ്രെഗ് വ്യക്തമാക്കി.
