സച്ചിനെ റണ്ണൗട്ട് ആക്കരുത് എന്നത് മാത്രമായിരുന്നു തന്റെ ആഗ്രഹം – ആരോണ്‍ ഫിഞ്ച്

Sports Correspondent

Download the Fanport app now!
Appstore Badge
Google Play Badge 1

സച്ചിന്‍ ടെണ്ടുല്‍ക്കറുമായി ഇന്നിംഗ്സ് ഓപ്പണ്‍ ചെയ്ത അവസരത്തിലുള്ള അനുഭവം പങ്കുവെച്ച് ആരോണ്‍ ഫിഞ്ച്. എംസിസിയ്ക്ക് വേണ്ടി ബൈസെന്റനറി ആഘോഷങ്ങളുടെ ഭാഗമായി കളിച്ചപ്പോള്‍ സച്ചിനൊപ്പം ഇന്നിംഗ്സ് ഓപ്പണ്‍ ചെയ്യുവാന്‍ ഫിഞ്ചിന് സാധിച്ചിരുന്നു. റെസ്റ്റ് ഓഫ് ദി വേള്‍ഡ് ടീമിനെതിരെ മത്സരിച്ച് 181 റണ്‍സ് നേടി ഫിഞ്ചാണ് ടീമിനെ മത്സരത്തില്‍ വിജയത്തിലേക്ക് നയിച്ചത്.

താന്‍ സച്ചിനെ റണ്ണൗട്ട് ആക്കരുത് എന്ന് മാത്രമായിരുന്നു അന്ന് ചിന്തിച്ചിരുന്നതെന്ന് ആരോണ്‍ ഫിഞ്ച് സംഭവം ഓര്‍ത്തെടുത്തു പറഞ്ഞു. വലിയ ജനക്കൂട്ടമായിരുന്നു അന്നെന്നും ആ മത്സരം തന്റെ ഓര്‍മ്മയില്‍ എന്നുമുണ്ടെന്നും ഫിഞ്ച് വ്യക്തമാക്കി. സച്ചിന്‍ എംസിസിയെയും ഷെയിന്‍ വോണ്‍ റെസ്റ്റ് ഓഫ് ദി വേള്‍ഡിനെയും ആണ് അന്ന് നയിച്ചത്.

അന്ന് സച്ചിനും ലാറയ്ക്കുമൊപ്പം തനിക്ക് കളിക്കാനായെന്നും അത് വളരെ രസകരമായ അനുഭവമാണെന്നും ഫിഞ്ച് സൂചിപ്പിച്ചു. സച്ചിന്‍ 44 റണ്‍സും ലാറം 23 റണ്‍സുമാണ് അന്ന് നേടിയത്. സച്ചിന് പുറമെ അന്ന് യുവരാജ് സിംഗ്, വിരേന്ദര്‍ സേവാഗ് എന്നിവര്‍ക്കൊപ്പവും ഫിഞ്ചിന് കളിക്കാനായിരുന്നു. ഇവരെല്ലാം എതിര്‍ ടീമിലെ അംഗങ്ങളായിരുന്നു.