കൈല്‍ മയേഴ്സിന്റെ ബാറ്റിംഗ് പ്രകടനത്തിന് ശേഷം ബൗളര്‍മാരുടെ മികവുറ്റ പ്രകടനം, വിജയം കരസ്ഥമാക്കി ബാര്‍ബഡോസ് ട്രിഡന്റ്സ്

- Advertisement -

കരീബിയന്‍ പ്രീമിയര്‍ ലീഗില്‍ ഇന്നലെ നടന്ന മത്സരത്തില്‍ ജമൈക്ക തല്ലാവാസിനെതിരെ 36 റണ്‍സ് വിജയം നേടി ബാര്‍ബഡോസ് ട്രിഡന്റ്സ്. ഇന്നലെ ആദ്യം ബാറ്റ് ചെയ്ത ബാര്‍ബഡോസ് 148/7 എന്ന സ്കോര്‍ നേടുകയായിരുന്നു. 59 പന്തില്‍ 85 റണ്‍സ് നേടിയ കൈല്‍ മയേഴ്സിന് മാത്രമാണ് ടീം നിരയില്‍ തിളങ്ങാനായത്. ജേസണ്‍ ഹോള്‍ഡര്‍(15), മിച്ചല്‍ സാന്റനര്‍(20*) എന്നിവര്‍ മാത്രമാണ് ബാര്‍ബഡോസ് നിരയില്‍ രണ്ടക്കത്തിലേക്ക് എത്തിയ മറ്റുള്ളവര്‍. ജമൈക്കയ്ക്ക് വേണ്ടി മുജീബ് മൂന്നും സന്ദീപ് ലാമിച്ചാനെ രണ്ടും വിക്കറ്റ് നേടി.

മറുപടി ബാറ്റിംഗിനിറങ്ങിയ ജമൈക്കയ്ക്ക് 112/9 എന്ന സ്കോര്‍ മാത്രമേ നേടാനായുള്ളു. ക്രുമ ബോണര്‍ 31 റണ്‍സുമായി ടോപ് സ്കോറര്‍ ആയപ്പോള്‍ ജെര്‍മൈന്‍ ബ്ലാക്ക്വുഡ് 28 റണ്‍സ് നേടി. മുജീബ് വാലറ്റത്തില്‍ 18 റണ്‍സ് നേടി പൊരുതി നോക്കിയെങ്കിലും ലക്ഷ്യം അപ്രാപ്യമായി തുടര്‍ന്നു.

രണ്ട് വീതം വിക്കറ്റുമായി മിച്ചല്‍ സാന്റനര്‍, ജേസണ്‍ ഹോള്‍ഡര്‍, റഷീദ് ഖാന്‍, റെയ്മണ്‍ റീഫര്‍ എന്നിവരാണ് ബാര്‍ബഡോസ് ബൗളര്‍മാരില്‍ തിളങ്ങിയത്.

Advertisement