Local Sports News in Malayalam

ലങ്കന്‍ സ്വപ്നങ്ങള്‍ തകര്‍ത്ത് ദീപക് ചഹാര്‍

ഇന്ത്യയെ പരാജയപ്പെടുത്തി പരമ്പരയിലൊപ്പമെത്താമെന്ന ശ്രീലങ്കയുടെ മോഹങ്ങള്‍ തകര്‍ത്ത് ദീപക് ചഹാര്‍. ഭുവനേശ്വര്‍ കുമാറുമായി ചേര്‍ന്ന് എട്ടാം വിക്കറ്റിൽ നേടിയ 84 റൺസ് കൂട്ടുകെട്ടാണ് മത്സരം ഇന്ത്യയുടെ ഭാഗത്തേക്ക് തിരിച്ചത്. ചഹാര്‍ 69 റൺസുമായി പുറത്താകാതെ നിന്നപ്പോള്‍ ഭുവനേശ്വര്‍ കുമാര്‍ 19 റൺസുമായി ചഹാറിന് മികച്ച പിന്തുണ നല്‍കി. 49.1 ഓവറിൽ 277 റൺസ് നേടിയാണ് ഇന്ത്യയുടെ വിജയം.

193/7 എന്ന നിലയിലേക്ക് വീണ ഇന്ത്യയെ ഈ കൂട്ടുകെട്ടാണ് മത്സരത്തിലേക്ക് തിരികെ കൊണ്ടുവന്നത്. സൂര്യകുമാര്‍ യാദവ്(53), ക്രുണാൽ പാണ്ഡ്യ(35) എന്നിവര്‍ക്കൊപ്പം മനീഷ് പാണ്ടേ(37), ശിഖര്‍ ധവാന്‍(29) എന്നിവരും മികച്ച പ്രകടനങ്ങള്‍ ഇന്ത്യയ്ക്കായി നടത്തി.

Waninduhasaranga

3 വിക്കറ്റ് നേടിയ വനിന്‍ഡു ഹസരംഗയുടെെ ബൗളിംഗ് പ്രകടനമാണ് ഇന്ത്യയുടെ താളം തെറ്റിച്ചതെങ്കിലും എട്ടാം വിക്കറ്റ് കൂട്ടുകെട്ടിനെ തകര്‍ക്കുവാന്‍ താരത്തിനും സാധിക്കാതെ പോയപ്പോള്‍ ചഹാറും ഭുവിയും ചേര്‍ന്ന് മത്സരം ഇന്ത്യയ്ക്കനുകൂലമാക്കി.

You might also like