ഇന്ത്യയ്ക്കെതിരെയുള്ള പരമ്പരയ്ക്ക് മുമ്പ് തന്റെ ടീമിന്റെ തയ്യാറെടുപ്പുകള്‍ ശരിയായ ദിശയിലാണ് മുന്നോട്ട് പോകുന്നതെന്ന് പറഞ്ഞ് വെസ്റ്റിന്‍ഡീസ് പെര്‍ഫോമന്‍സ് മെന്റര്‍ ബ്രയാന്‍ ലാറ. രണ്ട് ടെസ്റ്റുകളിലും മൂന്ന് ഏകദിനത്തിലും അഞ്ച് ടി20 മത്സരത്തിലുമാണ് ഇരു ടീമുകളും ഏറ്റുമുട്ടുന്നത്.
ലോക ടെസ്റ്റ് ചാമ്പ്യന്‍ഷിപ്പ് സൈക്കിളിലെ തുടക്കത്തിലെ രണ്ട് പ്രധാന മത്സരങ്ങളാണ് ഇന്ത്യയ്ക്കെതിരെയുള്ളതെന്നും ലോകത്തിലെ മുന്‍ നിര ടീമിനെതിരെയുള്ള തയ്യാറെടുപ്പുകള്‍ മികച്ച രീതിയിൽ പുരോഗമിക്കുകയാണെന്നും ക്യാമ്പ് നേരത്തെ ആരംഭിച്ചതും തുണയായിട്ടുണ്ടെന്ന് ലാറ വ്യക്തമാക്കി.
ക്രെയിഗ് ബ്രാത്‍വൈറ്റ് നയിക്കുന്ന യുവ നിരയ്ക്ക് മികച്ച പ്രകടനം ഡൊമിനിക്കയിൽ പുറത്തെടുക്കാനാകുമെന്നും ലാറ പ്രത്യാശ പ്രകടിപ്പിച്ചു.
