ബ്രിസ്ബെയിന്‍ ഹീറ്റിന്റെ വലിയ സ്കോറായ 186 റണ്‍സ് പിന്തുടര്‍ന്ന സിഡ്നി തണ്ടറിനു മഴ നിയമത്തില്‍ 15 റണ്‍സിന്റെ തോല്‍വി. 5.3 ഓവറുകള്‍ പിന്നിടുമ്പോള്‍ 34 റണ്‍സ് നേടിയെങ്കിലും രണ്ട് വിക്കറ്റുകള്‍ വീണതാണ് ടീമിനു തിരിച്ചടിയായത്. തണ്ടറിന്റെ കാലം ഫെര്‍ഗൂസണെ മഴ തടസ്സം സൃഷ്ടിക്കുന്നതിനു 3 പന്തുകള്‍ മുന്നേ നഷ്ടമായതും ടീമിന്റെ സാധ്യതകള്‍ക്ക് മങ്ങലേല്പിച്ചു. ഫെര്‍ഗൂസണ്‍ 16 റണ്‍സ് നേടി പുറത്തായപ്പോള്‍ ഷെയിന്‍ വാട്സണ്‍ 13 റണ്‍സ് നേടി മടങ്ങി.
നേരത്തെ ആദ്യം ബാറ്റ് ചെയ്ത ഹീറ്റിനു വേണ്ടി ബ്രണ്ടന്‍ മക്കല്ലവും ക്രിസ് ലിന്നും അര്‍ദ്ധ ശതകങ്ങള്‍ നേടുകയായിരുന്നു. മക്കല്ലം 35 പന്തില്‍ നിന്ന് 56 റണ്‍സ് നേടിയപ്പോള്‍ ക്രിസ് ലിന്‍ 30 പന്തില്‍ നിന്ന് 54 റണ്‍സ് നേടി പുറത്തായി. തണ്ടറിനു വേണ്ടി ജോനാഥന്‍ കുക്ക് മൂന്നും ഫവദ് അഹമ്മദ് രണ്ടും വിക്കറ്റ് നേടി.
