വരുന്ന ബിഗ് ബാഷ് സീസണില്‍ പാക് താരങ്ങളായ ഉസ്മാന്‍ ഷിന്‍വാരിയെയും ഫഹീം അഷ്റഫിനെയും സ്വന്തമാക്കി മെല്‍ബേണ്‍ റെനഗേഡ്സ്. ഷിന്‍വാരി ആദ്യ 7 മത്സരങ്ങളില്‍ ടീമിനായി കളിക്കുമെന്ന് അറിയിച്ചപ്പോള്‍ ഓള്‍റൗണ്ടര്‍ ഫഹീം അഷ്റഫ് എട്ട് മത്സരങ്ങളില്‍ കളിക്കും. ഇവര് മടങ്ങുമ്പോള്‍ പകരം ഇംഗ്ലണ്ടിന്റെ ഹാരി ഗുര്‍ണേയും അഫ്ഗാനിസ്ഥാന്റെ മുഹമ്മദ് നബിയും പകരം ടീമിലേക്ക് എത്തും.
ഇതില്‍ ഷിന്‍വാരി കഴിഞ്ഞ വര്‍ഷവും റെനഗേഡ്സിനായി കളിച്ചിട്ടുള്ള താരമാണ്. ഏഴ് മത്സരങ്ങളില്‍ നിന്ന് എട്ട് വിക്കറ്റാണ് അന്ന് താരം നേടിത്. അതേ സമയം ഫഹീം അഷ്റഫ് ഇതാദ്യമായാണ് ബിഗ് ബാഷില്‍ കളിക്കാനെത്തുന്നത്.
