റെനഗേഡ്സ് കോച്ച് ക്ലിംഗര്‍ പടിയിറങ്ങുന്നു, ഇനി പുതിയ ദൗത്യം ന്യൂ സൗത്ത് വെയില്‍സില്‍

Sports Correspondent

Download the Fanport app now!
Appstore Badge
Google Play Badge 1

മെല്‍ബേണ്‍ റെനഗേഡ്സ് കോച്ച് മൈക്കല്‍ ക്ലിംഗര്‍ സ്ഥാനം ഒഴിയുന്നു. താരം ന്യൂ സൗത്ത് വെയില്‍സ് പുരുഷ ക്രിക്കറ്റിന്റെ തലവനെന്ന സ്ഥാനം വഹിക്കുവാനാണ് ഇപ്പോളത്തെ റോളില്‍ നിന്ന് രാജി വയ്ക്കുന്നത്. റെനഗേഡ്സുമായി മൂന്ന് വര്‍ഷത്തെ കരാര്‍ ആയിരുന്നു ക്ലിംഗറിനുണ്ടായിരുന്നതെങ്കിലും രണ്ട് മോശം സീസണുകള്‍ക്ക് ശേഷം 40 വയസ്സുകാരന്‍ പടിയിറങ്ങുകയാണ്.

ഈ രണ്ട് സീസണുകളിലും റെനഗേഡ്സ് അവസാന സ്ഥാനക്കാരായാണ് പോയിന്റ് പട്ടികയില്‍ അവസാനിച്ചത്. 14 മത്സരങ്ങളില്‍ നിന്ന് റെനഗേഡ്സിന് ഈ സീസണില്‍ വെറും 4 മത്സരങ്ങളില്‍ മാത്രമാണ് വിജയിക്കുവാനായത്.

ന്യൂ സൗത്ത് വെയില്‍സ് പുരുഷ ക്രിക്കറ്റിന്റെ തലവന്‍ എന്ന പുതിയ ദൗത്യം താന്‍ ഏറെ ഉറ്റുനോക്കുന്നതാണെന്ന് മൈക്കല്‍ ക്ലിംഗര്‍ വ്യക്തമാക്കി.