ഐപിഎലില്‍ സണ്‍റൈസേഴ്സ് ഓപ്പണിംഗ് സ്ഥാനം അവസാന ചില മത്സരങ്ങളില്‍ നഷ്ടപ്പെട്ടുവെങ്കിലും ജോണി ബൈര്‍സ്റ്റോയ്ക്ക് ടി20യില്‍ ടോപ് ഓര്‍ഡറില്‍ അപകടകാരിയായ ബാറ്റ്സ്മാന്‍ തന്നെയാണ്. താരത്തെ ബിഗ് ബാഷ് ഫ്രാഞ്ചൈസിയായ മെല്‍ബേണ്‍ സ്റ്റാര്‍സ് വരുന്ന ബിഗ് ബാഷിന് വേണ്ടി സ്വന്തമാക്കിയിട്ടുണ്ട്.
തനിക്ക് മാക്സ്വെല്ലിനൊപ്പം കളിക്കുവാനുള്ള അവസരത്തിനായി താന്‍ ഉറ്റുനോക്കുകയാണെന്ന് ഇംഗ്ലണ്ട് വെടിക്കെട്ട് താരം വ്യക്തമാക്കി. മാക്സ്വെല്ലിന് പുറമെ മാര്‍ക്കസ് സ്റ്റോയിനിസ്, ആഡം സംപ എന്നി മുന്‍ നിര താരങ്ങളും സ്റ്റാര്‍സ് നിരയിലുണ്ട്.
ജോണി ബൈര്‍സ്റ്റോ തങ്ങളിലൂടെ ഐപിഎല്‍ അരങ്ങേറ്റം നടത്തുന്നുവെന്നത് ഏറെ സന്തോഷകരമായ കാര്യമാണെന്ന് ടീമിന്റെ മുഖ്യ കോച്ച് ഡേവിഡ് ഹസ്സ് അഭിപ്രായപ്പെട്ടു.
