ഇംഗ്ലണ്ടില്‍ ഭുവനേശ്വര്‍ കുമാറിന്റെ അഭാവം ഇന്ത്യന്‍ ടീമിനു കനത്ത തിരിച്ചടിയാണന്ന് പറഞ്ഞ് സച്ചിന്‍ ടെണ്ടുല്‍ക്കര്‍. ടി20 പരമ്പര 2-1നു ജയിച്ചുവെങ്കിലും ഇന്ത്യ ഏകദിനത്തില്‍ 1-2നു പരാജയം ഏറ്റുവാങ്ങുകയായിരുന്നു. അഞ്ച് ടെസ്റ്റ് മത്സരങ്ങളുള്ള പരമ്പരയിലെ ആദ്യ മൂന്ന് ടെസ്റ്റുകള്‍ക്കുള്ള ടീമുകളെയാണ് ഇന്ത്യ പ്രഖ്യാപിച്ചിരിക്കുന്നത്. അതില്‍ നിന്ന് പരിക്കേറ്റതിനാല്‍ ഭുവനേശ്വര്‍ കുമാറിനെ ഒഴിവാക്കുകയായിരുന്നു. ഇതാണ് ഇന്ത്യയ്ക്ക് കനത്ത തിരിച്ചടിയായി മാറുമെന്ന് സച്ചിന്‍ പറഞ്ഞത്.
സ്വിംഗിന്റെ രാജകുമാരനായ ഭുവി ഇംഗ്ലണ്ട് സാഹചര്യങ്ങളില്‍ മികവ് പുലര്‍ത്തുമെന്ന് കരുതപ്പെട്ട താരമാണ്. ബാറ്റ് കൊണ്ടും ടീമിനു ഉപകാരപ്പെടുന്ന താരമാണ് ഭുവി. ഞാന്‍ ഇംഗ്ലണ്ടില്‍ ഏറ്റവും അധിക പ്രതീക്ഷ പുലര്‍ത്തിയ താരം ഭുവനേശ്വര്‍ കുമാറാണെന്നാണ് സച്ചിന്‍ പറഞ്ഞത്.
കൂടുതൽ കായിക വാർത്തകൾക്ക് : www.facebook.com/FanportOfficial
