ഡ്രസിങ് റൂമിൽ കയറിയ ദിനേശ് കാർത്തികിന് ബി.സി.സി.ഐയുടെ കാരണം കാണിക്കൽ നോട്ടീസ്

Staff Reporter

Download the Fanport app now!
Appstore Badge
Google Play Badge 1

കരീബിയൻ പ്രീമിയർ ലീഗ് ക്ലബായ ട്രിൻബാഗോ നൈറ്റ് റൈഡേഴ്സിന്റെ ഡ്രെസ്സിൽ റൂമിൽ കയറിയ ഇന്ത്യൻ താരം ദിനേശ് കാർത്തിക്കിന്റെ ബി.സി.സി.ഐയുടെ കാരണം കാണിക്കൽ നോട്ടീസ്. ട്രിൻബാഗോ നൈറ്റ് റൈഡേഴ്‌സ് പരിശീലകൻ ബ്രെണ്ടൻ മക്കല്ലത്തിനൊപ്പം താരം ടീമിന്റെ ഡ്രസിങ് റൂമിൽ നിൽക്കുന്ന ചിത്രങ്ങൾ കഴിഞ്ഞ ദിവസം പ്രചരിച്ചിരുന്നു.

ഇന്ത്യൻ ക്രിക്കറ്റ് ടീമിൽ നിലവിൽ കരാർ ഉള്ള ദിനേശ് കാർത്തിക് ഇത്തരം കാര്യങ്ങൾ ചെയ്യുമ്പോൾ ബോർഡിന്റെ മുൻ‌കൂർ അനുമതി വാങ്ങണമെന്നാണ് നിയമം. ഏഴ് ദിവസത്തിനകം താരം ബി.സി.സി.ഐക്ക് മറുപടി നൽകണം. നിലവിൽ വിദേശം ലീഗുകളിൽ കളിയ്ക്കാൻ ഇന്ത്യൻ താരങ്ങൾക്ക് ബി.സി.സി.ഐ അനുവാദം നൽകാറില്ല. കാനഡയിൽ കളിയ്ക്കാൻ യുവരാജിന് അനുവാദം നൽകിയെങ്കിലും അത് മറ്റു താരങ്ങൾക്ക് നൽകണമെന്നില്ലെന്ന് ബി.സി.സി.ഐ നേരത്തെ അറിയിച്ചിരുന്നു.

നിലവിൽ കൊൽക്കത്ത നൈറ്റ് റൈഡേഴ്‌സ് ക്യാപ്റ്റൻ കൂടിയാണ് ദിനേശ് കാർത്തിക്. ട്രിൻബാഗോ നൈറ്റ് റൈഡേഴ്‌സിന്റെയും കൊൽക്കത്ത നൈറ്റ് റൈഡേഴ്സിന്റെയും ഉടമ ഇന്ത്യൻ ബോളിവുഡ് താരം ഷാരൂഖ് ഖാൻ ആണ്. പുതിയ സീസണിൽ കൊൽക്കത്തയുടെ പരിശീലകനായി ബ്രെണ്ടൻ മക്കല്ലത്തെയും നിയമിച്ചിരുന്നു.