ഐക്കണ്‍ താരങ്ങള്‍ വേണ്ടെന്ന് തീരുമാനിച്ച് ബംഗ്ലാദേശ് പ്രീമിയര്‍ ലീഗ്

- Advertisement -

അടുത്ത സീസണ്‍ ബംഗ്ലാദേശ് പ്രീമിയര്‍ ലീഗില്‍ ഐക്കണ്‍ താരങ്ങള്‍ വേണ്ടെന്ന് വെച്ച് ബോര്‍ഡ്. പ്രാദേശിക ഐക്കണ്‍ താരങ്ങളെ ഒഴിവാക്കി പകരം എ+ എന്നൊരു വിഭാഗത്തെ പുനഃസൃഷ്ടിച്ചിരിക്കുകയാണ് ബോര്‍ഡ്. നിലവിലുള്ള എ, ബി, സി, ഡി, ഇ വിഭാഗങ്ങള്‍ക്ക് പുറമേയുള്ള പുതിയ വിഭാഗമാണ് എ+.

വരുന്ന ഡ്രാഫ്ടില്‍ ഈ വിഭാഗങ്ങളില്‍ നിന്ന് താരങ്ങളെ ഫ്രാഞ്ചൈസികള്‍ക്ക് തിരഞ്ഞെടുക്കാം. മുസ്തഫിസുര്‍ റഹ്മാനെയും ലിറ്റണ്‍ ദാസിനെയും ഈ പുതിയ എ+ വിഭാഗത്തിലേക്ക് ചേര്‍ത്തിട്ടുണ്ട്. അതേ സമയം സബ്ബിര്‍ റഹ്മാനും സൗമ്യ സര്‍ക്കാരും ഈ വിഭാഗത്തില്‍ നിന്ന് പുറത്തായി. ഷാക്കിബ് അല്‍ ഹസന്‍, തമീം ഇക്ബാല്‍, മുഷ്ഫിക്കുര്‍ റഹിം, മഹമ്മദുള്ള, മഷ്റഫേ മൊര്‍തസ എന്നിവരാണ് എ+ വിഭാഗത്തിലെ മറ്റു താരങ്ങള്‍.

Advertisement