ബംഗ്ലാദേശ് പ്രീമിയര്‍ ലീഗിനിടെ പരിക്കേറ്റ് സ്റ്റീവന്‍ സ്മിത്തിനു പിന്നാലെ ഡേവിഡ് വാര്‍ണറും നാട്ടിലേക്ക് മടങ്ങുന്നു . ഇന്നലെ ടീമിനു വേണ്ടി നിര്‍ണ്ണായക ബാറ്റിംഗ് പ്രകടനം പുറത്തെടുത്ത ശേഷമായിരുന്നു വാര്‍ണറിനു കൈമുട്ടിന്റെ വേദനയെ തുടര്‍ന്ന് നാട്ടിലേക്ക് മടങ്ങുവാന്‍ തീരുമാനിക്കുന്നത്. ക്രിക്കറ്റ് ഓസ്ട്രേലിയയുടെ മെഡിക്കല്‍ ടീമിന്റെ നിരീക്ഷണത്തിനു വേണ്ടിയാണ് താരം നാട്ടിലേക്ക് മടങ്ങുന്നത്.
ജനുവരി 21നു നാട്ടില്‍ യാത്രയാകുന്നത് വരെ സില്‍ഹെറ്റ് സിക്സേര്‍സിനു വേണ്ടി കളിയ്ക്കും എന്നാണ് അറിയുന്നത്. ഇതുവരെ അഞ്ച് ഇന്നിംഗ്സുകളില്‍ നിന്ന് 2 ശതകം ഉള്‍പ്പടെ നേടിയാണ് ടൂര്‍ണ്ണമെന്റില്‍ വാര്‍ണര്‍ നില്‍ക്കുന്നത്. ഏതാനും ദിവസങ്ങള്‍ക്ക് മുമ്പ് സ്റ്റീവന്‍ സ്മിത്തിനു പരിക്കേറ്റ് ബംഗ്ലാദേശ് പ്രീമിയര്‍ ലീഗില്‍ നിന്ന് മടങ്ങേണ്ടി വന്നിരുന്നു. സ്മിത്ത് പിന്നീട് ശസ്ത്രക്രിയയ്ക്ക് വിധേയനാകേണ്ടി വരികയായിരുന്നു.
