ഫോമിലേക്കുയര്‍ന്ന് തമീം ഇക്ബാല്‍, വിജയം കുറിച്ച് കോമില്ല വിക്ടോറിയന്‍സ്

Sports Correspondent

Download the Fanport app now!
Appstore Badge
Google Play Badge 1

ജൂനൈദ് സിദ്ദിക്കിന്റെ തകര്‍പ്പന്‍ ഇന്നിംഗ്സിനെ വെല്ലുന്ന പ്രകടനവുമായി തമീം ഇക്ബാല്‍ തിളങ്ങിയപ്പോള്‍ ഖുല്‍ന ടൈറ്റന്‍സിനെതിരെ വിജയം കരസ്ഥമാക്കി കോമില്ല വിക്ടോറിയന്‍സ്. ആദ്യം ബാറ്റ് ചെയ്ത ഖുല്‍ന ടൈറ്റന്‍സ് 181/7 എന്ന സ്കോര്‍ നേടിയപ്പോള്‍ 2 പന്ത് അവശേഷിക്കെ 7 വിക്കറ്റ് നഷ്ടത്തില്‍ 186 റണ്‍സ് നേടി വിക്ടോറിയന്‍സ് വിജയം ഉറപ്പാക്കുകയായിരുന്നു.

സിദ്ദിക്ക്(70), അല്‍-അമീന്‍(32) ദാവീദ് മലന്‍(29) എന്നിവരാണ് ഖുല്‍ന നിരയില്‍ തിളങ്ങിയത്. വിക്ടോറിയന്‍സിനു വേണ്ടി അഫ്രീദി 3 വിക്കറ്റും വഹാബ് റിയാസ് രണ്ടും വിക്കറ്റ് നേടി.

42 പന്തില്‍ 73 റണ്‍സ് നേടിയ തമീം ഇക്ബാലിനും 40 റണ്‍സ് നേടിയ അനാമുള്‍ ഹക്കിനും ശേഷം ഇമ്രുല്‍ കൈസ് 28 റണ്‍സ് നേടിയെങ്കിലും വിക്കറ്റുകള്‍ ഇന്നിംഗ്സിന്റെ അവസാനത്തോടെ വീണത് വിക്ടോറിയന്‍സ് ക്യാമ്പില്‍ പരിഭ്രാന്തി പരത്തിയിരുന്നു. എന്നാല്‍ തിസാര പെരേര 18 റണ്‍സുമായി പുറത്താകാതെ നിന്ന് ടീമിന്റെ വിജയം ഉറപ്പാക്കുകയായിരുന്നു.