ബാബര്‍ അസമിന്റെ ക്യാപ്റ്റന്‍സിയെക്കുറിച്ച് ഏറെ പഴിയാണ് താരം കഴിഞ്ഞ മത്സരത്തിലെ പരാജയത്തിന് ശേഷം കേള്‍ക്കേണ്ടി വന്നത്. താരത്തിനെ വിമര്‍ശിച്ച് പല മുന്‍ താരങ്ങളും എത്തിയപ്പോള്‍ ബാറ്റിംഗ് കോച്ച് യൂനിസ് ഖാന്‍ പറയുന്നത് താരം സ്വയം തീരുമാനങ്ങള്‍ എടുക്കേണ്ട ഘട്ടത്തിലേക്ക് എത്തിയെന്നാണ്.
പല മുന്‍ ക്യാപ്റ്റന്മാരും അടങ്ങിയ ടീമുകളില്‍ നിന്ന് പല തരത്തിലുള്ള ഉപദേശങ്ങള്‍ താരത്തിന് ലഭിയ്ക്കും. അത് അത്ര മികച്ചൊരു കാര്യമല്ല. താന്‍ താരത്തിന് നല്‍കുന്ന ഒരു ഉപദേശം സ്വയം കാര്യങ്ങള്‍ തീരുമാനിക്കുവാന്‍ ശ്രമിക്കുക എന്നതാണെന്നും യൂനിസ് ഖാന്‍ വ്യക്തമാക്കി.
സ്വയം തീരുമാനമെടുത്ത് തെറ്റുകള്‍ വരുത്തിയാലും ആ തെറ്റുകളില്‍ നിന്ന് പാഠം ഉള്‍ക്കൊള്ളാന്‍ ബാബറിനാവുമെന്നും യൂനിസ് ഖാന്‍ വ്യക്തമാക്കി.
