രണ്ടാം തോല്‍വിയോടെ പാക്കിസ്ഥാന്‍ സെമി കാണാതെ പുറത്ത്, ഗ്രൂപ്പില്‍ ഒന്നാം സ്ഥാനക്കാരായി അഫ്ഗാനിസ്ഥാന്‍

- Advertisement -

ആദ്യ മത്സരത്തില്‍ അഫ്ഗാനിസ്ഥാനോട് 85 റണ്‍സിന്റെ തോല്‍വി വഴങ്ങിയ പാക്കിസ്ഥാന്‍. ഇന്ന് ഇന്ത്യയോട് പരാജയമേറ്റു വാങ്ങിയതോടെ അണ്ടര്‍ 19 ഏഷ്യ കപ്പിന്റെ സെമി ഫൈനല്‍ കാണാതെ മടങ്ങുന്നു. ഇന്ന് അഫ്ഗാനിസ്ഥാന്‍ കുവൈറ്റിനെതിരെ 7 വിക്കറ്റ് ജയം കരസ്ഥമാക്കിയതോടെ ഗ്രൂപ്പ് എ യില്‍ പോയിന്റുകളില്‍ ഇന്ത്യയ്ക്ക് ഒപ്പമാണെങ്കിലും റണ്‍ റേറ്റിന്റെ ആനുകൂല്യത്തില്‍ അഫ്ഗാനിസ്ഥാന്‍ ഒന്നാം സ്ഥാനത്ത് നില്‍ക്കുന്നു.

ഇന്ന് കുവൈറ്റിനെ 85 റണ്‍സിന് പുറത്താക്കിയ ശേഷം 12.5 ഓവറില്‍ മൂന്ന് വിക്കറ്റ് നഷ്ടത്തില്‍ അഫ്ഗാനിസ്ഥാന്‍ വിജയം കരസ്ഥമാക്കുകയായിരുന്നു. അടുത്ത മത്സരത്തില്‍ അഫ്ഗാനിസ്ഥാനും ഇന്ത്യയും തിങ്കളാഴ്ച ഏറ്റുമുട്ടും. വിജയിക്കുന്നവര്‍ ഗ്രൂപ്പ് ചാമ്പ്യന്മാരാവും.

Advertisement