തമീം ഇക്ബാല്‍ ഏഷ്യ കപ്പില്‍ നിന്ന് പുറത്ത്

- Advertisement -

സുരംഗ ലക്മലിന്റെ ഓവറില്‍ കൈക്കുഴയ്ക്ക് പരിക്കേറ്റതിനെത്തുടര്‍ന്ന് ബംഗ്ലാദേശ് ഓപ്പണര്‍ തമീം ഇക്ബാലിനു ഏഷ്യ കപ്പ് നഷ്ടമാകും. ഇന്ന് ടൂര്‍ണ്ണമെന്റിന്റെ ഉദ്ഘാടന മത്സരത്തിനിടെയാണ് സംഭവം. ബംഗ്ലാദേശ് ഇന്നിംഗ്സിന്റെ തുടക്കത്തില്‍ പരിക്കേറ്റ തമീം ഉടന്‍ തന്നെ ആശുപസ്ത്രിയില്‍ പോയി എക്സ്റേ എടുത്ത് മടങ്ങിയെത്തിയ തമീം ഇന്നിംഗ്സിലെ ഒമ്പതാം വിക്കറ്റ് വീണപ്പോള്‍ മുഷ്ഫിക്കുര്‍ റഹീമിനു കൂട്ടായി ക്രീസില്‍ മടങ്ങിയെത്തിയിരുന്നു. എന്നാല്‍ താരത്തിനു ഇനി തുടര്‍ന്ന് ടൂര്‍ണ്ണമെന്റില്‍ കളിക്കാനാകില്ലെന്നാണ് അറിയുന്നത്.

ഒറ്റക്കൈയാല്‍ ബാറ്റ് ചെയ്ത തമീമിനെക്കുട്ടുനിര്‍ത്തി റഹിം ബംഗ്ലാദേശിന്റെ സ്കോര്‍ 261 റണ്‍സിലേക്ക് എത്തിച്ചിരുന്നു. തമീം ഇക്ബാല്‍ ഏഷ്യ കപ്പില്‍ തുടര്‍ന്ന് കളിക്കൂലെന്നാണ് പ്രാഥമിക വിവരമെങ്കിലും ബംഗ്ലാദേശ് മാനേജര്‍ ഖാലിദ് മഹമ്മുദ് പറയുന്നത് താരത്തിന്റെ അവസ്ഥയെക്കുറിച്ച് പിന്നീട് മാത്രമേ കൂടുതല്‍ വ്യക്തത വരികയുള്ളുവെന്നാണ്.

Advertisement