ബംഗ്ലാദേശ് താരം നൂറുള്‍ ഹസന്‍ ഏഷ്യ കപ്പിൽ കളിക്കില്ല. സിംബാബ്‍വേയ്ക്കെതിരെയുള്ള ടി20 പരമ്പരയ്ക്കിടെ പരിക്കേറ്റ താരത്തിന്റെ കൈവിരലിന് ശസ്ത്രക്രിയ നടത്തിയതിന് ശേഷം മൂന്ന് മുതൽ നാലാഴ്ച വിശ്രമം ആവശ്യമാണെന്നുമാണ് അറിയുന്നത്.
ബംഗ്ലാദേശിന്റെ ഏഷ്യ കപ്പ് സ്ക്വാഡ് പ്രഖ്യാപിക്കുന്ന സമയം എസിസി നീട്ടി കൊടുത്തിരുന്നു. ഒട്ടനവധി താരങ്ങളുടെ പരിക്കിന്റെ റിപ്പോര്‍ട്ടുകള്‍ നേടിയ ശേഷം മാത്രമേ ടീം പ്രഖ്യാപനം നടത്താനാകൂ എന്നും പ്രത്യേക പരിഗണന തരണമെന്നും ബോര്‍ഡ് ആവശ്യപ്പെട്ടിരുന്നു.
ഹസന്‍ ആയിരുന്നു ബംഗ്ലാദേശിന്റെ ടി20 പരമ്പരയിലെ ക്യാപ്റ്റന്‍. ഓഗസ്റ്റ് 27ന് ആണ് ഏഷ്യ കപ്പ് ആരംഭിയ്ക്കുന്നത്.
